Alt

Eldri fólk skulu drekka mjólk

16-02-2017

Tað er umráðandi fyri eldri fólk at fáa nóg mikið av kálki og proteini. Við at drekka mjólk kanst tú skjótt og lætt tryggja tær hesi týdningarmiklu føðsluevni.

Les meira

Hóast tú ert komin upp í árini, er tað framvegis eitt gott hugskot at drekka mjólk.

Mjólk hevur nevniliga serligar eginleikar, tí har eru so nógv føðsluevni. Serliga kálk og protein, men eisini fleiri aðrar vitaminir og miniral.

Beinagrindin hjá eldri fólki hevur framvegis brúk fyri kálki, tí hon er livandi vevnaður, sum støðugt endurnýggjast. Beinagrindin byrjar spakuliga at svinna umleið 30 ára aldur og serliga tá fólk fara upp um 70 ár. Tí er týdningarmikið, at eldri fólk fáa kálk.

Eldri fólk skulu eisini halda vøddarnar viðlíka, so teir ikki vikna. Hetta gert tú best við at vera kropsliga virkin og fáa nóg mikið av proteini í mati og drekka. Kroppurin hevur brúk fyri proteini til at gera nýggjan vevnað og byggja vøddarnar upp aftur eftir likamligt virksemi.

Við at drekka mjólk fært tú nøktað allan tørvin á kálki og tað mesta av protein-tørvinum. Eisini um tú drekkur tey soltnu sløgini av mjólk.

Jú, tú kanst fáa bæði kálk og protein í øðrum matvørum, men tað skal nógvur ymiskur matur og í summum førum eisini stórar mongdir til fyri at fáa somu føðsluevni. Til dømis skalt tú eta 1500 g av spinati, 600 g av rugbreyði og 200 g av mandlum fyri at fáa somu mongd av kálki, sum svarar til 2,5 dl av mjólk.

Danski matvørustovnurin, DTU, gjørdi í 2010 eina frágreiðing um mjólk og mjólkarúrdráttir. Har verður mælt til, at øll eldri enn tvey ár eiga at drekka ¼- ½ litur av mjólk um dagin. Lægra mongdin er bert nøktandi, um tú annars livir eftir almennu kosttilráðingunum.

Um tú ikki leggur so nógv í mjólk, eru aðrir møguleikar at fáa neyðuga kálkið og proteinið. Til dømis blak, jogurt ella ostur. Eisini kanst tú koyra mjólk í kaffi, te ella smoothies.

Kelda: www.mælken.dk

 

Familjan hjá kúnni ávirkar mjólkina

06-02-2017

Ílegurnar hjá neytum hava stóran týdning fyri mjólkina, vísir nýggj gransking. Hetta gevur møguleikar fyri at ala seg fram til eina ávísa samanseting av fitisýrum í mjólkini og at framleiða nýggj sløg av mjólkarúrdráttum.

Les meira

Frá 1. mai 2015 til 1. september 2016 kannaðu granskarar mjólk frá øllum donskum kúm fyri at vita, hvussu fitisamansetingin er. Tað eru granskarar frá Århus Universiteti og vitanarstovninum hjá landbúnaðinum, SEGES, sum hava gjørt kanningina.

Úrslitini frá teimum umleið 3,5 mió. mjólkarroyndunum eru nú greinað. Niðurstøðan er, at ikki bara fóður og umhvørvi hava týdning fyri mjólkina. Eisini ættartræið hjá kúnni er rættiliga avgerandi fyri, hvussu fitisamansetingin í mjólkini er.

Hetta gevur møguleika fyri at brúka aling til at samanseta fitina í mjólkini. Eisini ber til at gera heilt nýggj sløg av mjólkarúrdráttum, siga granskararnir.

Í Bretlandi eru tey longu í gongd við at framleiða mjólk við serligum eginleikum. Har kunnu brúkararnir keypa mjólk, ið hevur minni mongdir av mettaðari fiti enn vanlig mjólk.

Eisini í Danmark er landbúnaðurin til reiðar at framleiða mjólk við eini serligari samanseting av fitisýrum, um marknaðurin er áhugaður í hesum, sigur Arne Munk, vistfrøðiráðgevi hjá SEGES.

Í mjólk eru ymisk sløg av fitisýrum í ymiskum mongdum. Tað verður kjakast um, hvussu hesar ávirka heilsuna, og granskingin hesum viðvíkjandi er ikki eintýdd. Nýggjasta vitanin á økinum vísir, at heilsuliga er tað mest gagnligt at økja innihaldið av ómettaðum fitisýrum og minka mongdina av mettaðum fitisýrum.

Les meira her: http://www.lf.dk/aktuelt/nyheder/2017/januar/koens-gener-kan-give-maelken-nye-egenskaber#.WJdI42VORE4

 

 

 

 

Keypa meiri feita mjólk

28-01-2017

Fólk eru farin at keypa meira av feitu mjólkini. Bæði Bóndamjólk og Millummjólk høvdu eina góða framgongd í søluni í fjør, meðan soltnu sløgini minkaðu nakað.

Les meira

Føroyingar drukku meira mjólk í fjør enn í 2015. Tað vísa hagtølini hjá MBM yvir søluna av mjólk seinastu tvey árini.

Ein áhugaverd gongd er, at tað eru tey feitaru sløgini, sum standa fyri vøkstrinum.

Bóndamjólk, sum við sínum 3,5% er tann feitasta mjólkin, hevði ein vøkstur í søluni upp á 2,5 prosent sammett við árið fyri. Hetta svarar til næstan 19.000 fleiri litrar.

Størsta vøksturin hevur kortini Millummjólk, sum hevur 1,5% fiti. Har seldi MBM 57.500 fleiri litrar enn árið fyri, og tann vøksturin svarar til 3,9 prosent.

Meðan 2016 var eitt feitt ár hjá feitu mjólkini, var tað meira soltið hjá soltnu mjólkini. Bæði Lættimjólk, sum er 0,5%, og Soltimjólk, sum er 0,1%, høvdu eina lítla afturgongd í søluni.

Lættimjólkin er kortini framvegis nógv best umtókta mjólkin hjá MBM. Í fjør keyptu fólk omanfyri 1,9 mió. litrar av Lættimjólk. Á øðrum plássi er Millummjólk, har yvir 1,5 mió litrar fóru út í føroysku heimini.

Eisini smáu pakkarnir við Lætti skúlamjólk høvdu góðar dagar í fjør. Sølan vaks 3,3% sammett við árið fyri.

Tilsamans fóru yvir 36 túsund fleiri litrar av mjólk út í føroysku heimini í fjør enn í 2015.

Tí skalt tú drekka mjólk

12-01-2017

Mjólk gevur okkum fleiri týdningarmikil føðsluevnir, og okkurt bendir á, at mjólkarvørur hava eina fyribyrgjandi ávirkan á nógvar lívsstílssjúkur.

Les meira

Tað eru fleiri góðar orsøkir til at drekka mjólk og eta mjólkarúrdráttir. Millum annað avmarkar tað yvirvekt, gevur neyðugar vitaminir og minkar um vandan fyri ávís sløgum av krabbameini.

Tað sigur føðslustjórin hjá Landbrug & Fødevarer, Merete Myrup, sum í eini spildurnýggjari grein gevur okkum fleiri orsøkir til at drekka mjólk.

Vitaminir: Við mjólk fært tú m.a. nøktað ein stóran part av tørvinum á vitaminum og mineralum, til dømis kalsium, fosfor, B2-vitaminnir og B12-vitaminir. Eisini fært tú proteinir við mjólkini.

Avmarkar yvirvekt: Mjólk og mjólkarúrdráttir kunnu fyribyrgja yvirvekt og fiti hjá børnum. Ein kanning í fjør av yvir 46.000 børnum vísti, at tey børnini, sum fingu størstu mongdirnar av mjólkarúrdráttum, vóru í 38% minni vanda fyri at gerast ov feit sammett við tey børnini, sum fingu minst av mjólkarúrdráttum.

Diabetes: Drekkimjólk hevur neutrala ávirkan á typu 2 diabetes, men ostur og jogurt tykjast at hava eina fyribyrgjandi ávirkan. Enn er ógreitt, hví so er, men tað verður granskað í hesum.

Hjarta/æðra-sjúkur: Soltnir mjólkarúrdráttir kunnu vera við til at lækka blóðtrýstið. Er fitiinnihaldið høgt, hevur hetta kortini onga ávirkan á blóðtrýstið. Haraftrat bendir nógv á, at mjólkarúrdráttir – serliga ostur – hava gagnliga ávirkan á kolesterolið og minka um vandan fyri hjarta/æðra-sjúkum.

Beinagrind: Mjólk og matvørur úr mjólk eru við til at styrkja beinagrindina hjá børnum og ungum, serliga orsakað av innihaldinum av kalsium, magnesium, fosfor og proteini. Viðvíkjandi beinbroyskni og beinbroti seinni í lívinum er nakað av iva, tí kanningar vísa so ymisk úrslit. Orsøkin er helst, at beinbroyskni verður ávirkað av fleiri viðurskiftum, m.a. arvi, D-vitaminum, kropsligum virkni, royking, rúsdrekka og ættarslagi.

Krabbamein: Stórar kanningar benda á, at mjólk og mjólkarúrdráttir hava fyribyrgjandi árin á summi vanlig sløg av krabbameini. World Cancer Research Fund (WCRF) gongur javnan gjøgnum alt vísundaligt tilfar um krabbamein og kost. Eisini hevur ein stór evropeisk verkætlan, EPIC, kannað sambandið millum krabbamein og tað, vit eta. Tey staðfesta, at mjólkarúrdráttir hava  fyribyrgjandi árin á krabbamein í tarminum og so eitt minni týðiligt árin á bróstkrabba og krabbamein í bløðruni. Kjak hevur verið um møgulig neilig árin við atliti at prostatakrabba, tí mjólkarúrdráttir hava høgt innihald av kalsium. Men niðurstøðan hjá WCRF er, at sambandið er ikki greitt, og tey mæla ikki frá at eta mjólkarúrdráttir fyri at sleppa undan krabbameini í prostata.

Kelda: http://www.maelken.dk/maelkeleksikon/er-maelk-sundt

Soleiðis fært tú allarbestu mjólkina

06-01-2017

Føroysku bóndurnir leggja stóran dent á góðsku og reinføri, tá teir senda mjólkina til mjólkarvirkið hjá MBM, sigur Jórun Hansen, góðskuleiðari hjá MBM. Mjólkin skal gjøgnum nógvar kanningar, áðrenn hon endar á tínum borði.

Les meira

Jórun Hansen er væl nøgd við rávøruna, sum kemur úr teimum 25 mjólkarfjósunum kring landið.

Hon hevur seinastu 17 árini starvast hjá MBM, har hon hevur havt neyvt eftirlit við allari mjólk, sum kemur inn á virkið hjá MBM. Seinastu árini sum góðskuleiðari. Jórun Hansen hevur eisini ábyrgdina av góðskuni á allari vøruni, sum fer út til handlarnar.

Góðskuleiðarin heldur, at føroysku bóndurnir eru sera tilvitaðir um reinføri og at veita góða mjólk.

Innkomna mjólkin verður regluliga kannað fyri bakteriur, kyknur og fyri antibiotika. Allar kanningar og markvirði fylgja ásetingum hjá Mejeriforeningen, sum er felagið hjá mjólkarvirkjunum í Danmark.

14. hvønn dag verður mjólkin frá hvørjum einstøkum bónda kannað fyri bakteriur. Tað er púra nátúrligt, at bakteriur eru til staðar, tá talan er um rávøru frá djórum, men mongdin skal halda seg niðan fyri eitt ásett markvirði.

Eina ferð um vikuna verður mjólkin kannað fyri kyknur. Kyknutalið sigur nakað um, hvussu kúgvin hevur tað. Eitt høgt kyknutal gevur ábendingar um, at kúgvin kann vera sjúk ella strongd.

Mjólkin verður eisini kannað fyri antibiotika. Tað er nevniliga ikki loyvt at lata mjólk av neytum, sum eru í antibiotikaviðgerð. Hesar royndirnar verða tiknar hvørja einastu ferð, mjólkarbilurin kemur eftir mjólk frá bóndanum.

Øll innkomin mjólk verður hitaviðgjørd (pasteauriserað) fyri at drepa bakteriur. Haraftrat verða neyvar kanningar hvønn dag gjørdar av allari mjólk og mjólkarúrdráttum, áðrenn hesi verða send út í handlarnar.

Hvørt ár tekur MBM ímóti góðum sjey milliónir litrum av mjólk frá føroysku neytunum, sum eru um 1000 í tali.

 

Vit elska róma í desember

23-12-2016

Jólamánaðin keypa vit næstan tvífalt so nógvan róma sum hinar mánaðirnar í árinum.

Les meira

Hvør kann ímynda sær ein jólaaftan uttan mandlurís? Við nógvum, mjúkum róma sjálvandi…

Føroyingar kunnu í øllum førum ikki. Vit eta nógvan róma í desember mánaði. Nógv meira enn hinar mánaðirnar í árinum, vísa hagtølini hjá MBM.

Í fjør keyptu føroyingar í meðal gott 19.000 litrar av róma um mánaðin teir fyrstu 11 mánaðirnar í árnum. Men í desember reyk sølan upp um 33.000 litrar.

Sama mynstur er í Danmark. Tøl hjá stóru mjólkarfyritøkuni, Arla, vísa, at danir keypa yvir seks milliónir ½-liturspakkar av róma í desember – dupult so nógv sum hinar mánaðirnar í árinum. Hetta merkir, at hvør dani í meðal etur gott ein hálvan litur av róma í desember.

Hóast desember mánaður slær øll róma-met, so eru eisini aðrir mánaðir, har føroyingar keypa meira róma enn vanligt. Hetta eru mars/apríl , tá páskirnar eru, og so í juli, har vit jú halda Ólavsøku.

Og so er ein mánaður, har vit eftir øllum at døma hava ringa samvitsku av rómagildinum í desember. Tú gitti rætt. Tað er nevniliga januar! Í fjør keyptu vit 17.000 litrar í januar og í ár bara gott 16.000 litrar. Men í februar tykist alt at vera við tað gamla aftur.

Nýggjur og lættur Sopi

19-12-2016

Minni sukur og feitt er í nýggju fløskunum við Sopa, sum júst eru komnar á marknaðinum.

Les meira

Sopi er komin í handlarnar í spildurnýggjum hami. Fløskurnar hava fingið øðrvísi og meira tíðarhóskandi skap, og liturin er nýggjur.

Útsjóndin er ikki einasta broytingin. Færri kaloriur eru í Sopa, tí nú er bæði minni fiti og minni sukur í. Fitiprosentið er nú 0,5%. 

Haraftrat verður onki eftirgjørt sukur brúkt at søta við. MBM hevur gjørt av at taka søtievnið, Aspartam, úr øllum sínum vørum, eisini Sopa.

Konsistensurin er eisini betri við tað, at hann er rundari og minni flótandi.

Trý sløg av Sopa eru at fáa: Jarðber, vanilja og so ein við trimum sløgum av berum í, nevniliga hindber, sólber og bláber. Hesin seinasti er ein spildurnýggjur smakkur, sum ikki hevur verið í Sopa áður.

Styrk beinagrindina við mjólk og fiski

01-12-2016

Besti hátturin at minka um vandan fyri beinbroyskni er at fáa nóg mikið av kálki og D-vitaminum. Hesi finnast m.a. í mjólk, osti og feitum fiski. Og so er eisini týdningarmikið at røra seg.

Les meira

Nógv fólk fáa beinbroyskni (knogleskørhed/osteoporose), tá tey fara upp um tey 50 árini. Hetta merkir, at beinagrindin gerst veik og svinnur. Sjúkan hevur við sær, at beinagrindin tolir minni av og brotnar lættari enn áður, serliga ryggjargeislar, handliðir og mjødn.

Fleiri kvinnur enn menn fáa beinbroyskni, serliga eftir skiftisárini. Umleið helvtin av tilburðunum av beinbroyskni stava frá ættarbregdi, meðan hin helvtin stendst av øðrum faktorum t.d. sjúku, heilivági, royking, rúsdrekka, vantandi rørslu og skeivum kosti.

Fyri at minka um vandan fyri beinbroyskni hava læknar og granskarar hesi góðu ráð: Ikki roykja, et sunnan og fjølbroyttan kost og ver kropsliga virkin.

Osteoporosefelagið í Danmark mælir fólki til at fáa nóg mikið av kálki og D-vitaminum. Ráðini eru at drekka mjólk og/ella eta ost hvønn dag fyri at nøkta tørvin á kálki. D-vitaminirnar fáast í feitum fiski, t.d. sild, makreli og laksi, og í sólarljósinum.

Tað ber eisini til at fáa kálk og vitaminir sum kostískoyti, men tá skulu fólk ansa eftir ikki at fáa ov nógv.

Vaksin fólk í 20-65 ára aldri eiga at fáa 800-1000 milligram av kálki hvønn dag, meðan tannáringar og eldri fólk yvir 65 ár eiga at fáa 1200-1500 milligram av kálki dagliga.

Kelda: https://www.osteoporose-f.dk/til-fagpersonale/kalk-og-d-vitamin

 

Fá kálkið við kostinum

24-11-2016

Tað er betri fyri hjartað at fáa kálk gjøgnum kostin enn at taka kálkískoyti, siga granskarar.

Les meira

Kostur við kalsium (kálki) forðar fyri, at fólk fáa hjarta-æðrasjúkur, meðan ábendingar eru um, at kostískoyti við kalsium kunnu økja um vandan fyri hesum sjúkum.

Granskarar í USA fylgdu yvir eitt 10-ára tíðarskeið 2.700 fólkum. Teir kannaðu læknajournalirnar hjá teimum og gjørdu hjartakanningar áðrenn og aftaná.

Sjúklingarnir fingu haraftrat eitt umfatandi spurnarblað um kostvanar, serliga um kalsium-ríkar matvørur so sum mjólkarúrdráttir, kornúrdráttir og grønt grønmeti. Eisini vórðu tey spurd um kostískoyti og heilivág.

Eftir at granskararnir høvdu tikið hædd fyri øðrum vandafaktorum, vísti úrslitið, at tey, sum fingu nógv kalsium (yvir 1400 mg um dagin), vóru í 30% minni vanda fyri at fáa hjarta-æðrasjúkur enn tey, sum fingu lítið av kalsium (undir 400 mg um dagin).

Men tá granskararnir so fóru at kanna bólkin, sum fekk nógv kalsium, neyvari, funnu tey nakað ákugavert: Tey, sum fingu kalsium gjøgnum kostískoyti, vóru í 22 % størri vanda fyri at fáa hjarta-æðrasjúkur enn tey, sum fingu kalsium gjøgnum kostin.

-Tað er greiður munur á, hvussu kroppurin brúkar og reagerar upp á kálkískoyti sammett við kálk gjøgnum kostin, sigur John Anderson, professari í matvørum, á University of North Carolina.

Greinin um kanningina varð kunngjørd í Journal of the American Heart Association í oktober.

Vanligu kostráðini eru, at vaksin fólk fáa 800 mg av kalsium dagliga, meðan ungfólk, sum standa í vøkstri, skulu hava 900 mg um dagin.

Góðar keldur til kálk eru m.a. mjók, ostur, brokkoli, ertrar, nøtir, mandlur, turkaðar fikur og summi sløg av feitum fiski, til dømis sardinir.

Les meira her: http://www.theage.com.au/lifestyle/health-and-wellbeing/nutrition/how-you-consume-your-calcium-makes-a-difference-to-your-heart-20161012-gs0z5j.html

 

Et endiliga feitan ost

16-11-2016

Feitir ostar eru eins heilsugóðir og soltnir ostar, vísir nýggj kanning, sum er gjørd í Danmark.

Les meira

Fólk hava ofta fingið at vita, at tað er best fyri heilsuna at halda seg til soltnu ostarnar. Men okkurt bendir á, at feitu ostarir eru eins sunnir.

Ein donsk kanning, sum er endurgivin í tíðarritinum American Journal of Clinical Nutrition, vísir at feitir ostar ikki ávirka kolesterol, blóðtrýst, vekt o.a. meira enn soltnir ostar.

Royndarpersónar vórðu býttir í bólkar, har ein bólkur skuldi eta feitan ost í 12 vikur og hin soltnan ost. Feitu ostarnir vóru millum 25 og 32% feitt. Soltnu ostarnir vóru 13 til 16%.

Fólkini skuldu eta millum 64 og 112 gramm um dagin av hesum ostunum, alt eftir orkutørvinum hjá hvørjum einstøkum.

Eftir tær 12 vikurnar vórðu royndarpersónarnir vigaðir og kannaðir.

 Úrslitini vístu, at tað gjørdi ongan mun, um fólk ótu feitan ella soltnan ost. Ongin munur var á eitt nú LDL-kolesteroli (tað sonevnda “ringa” kolesterolið), insulini, blóðtrýsti og blóðsukuri. Heldur ongin týðandi broyting var á vektini hjá luttakarunum.

 Tey, sum ótu feitara ostin, høvdu tó eitt sindur hægri HDL-kolesterol (tað “góða” kolesterolið) enn tey, sum ótu soltnan ost.

 Hetta er fyrstu ferð, at granskarar sammeta feitan og soltnan ost á hendan hátt. Enn er ov tíðliga at broyta almennu kostráðini hjá donsku matvørumyndugleikunum um at eta soltnan ost, tí fleiri kanningar mugu gerast á økinum, sigur Farinaz Raziani, ph.d.-lesandi við Københavns Universitet, sum hevur staðið fyri kanningini.

 Les meira her: http://videnskab.dk/krop-sundhed/fed-ost-kan-sagtens-hoere-hjemme-i-en-sund-kost

 

Vís fleiri tíðindi

Starvsfólkayvirlit

Ann Andreasen

Ann Andreasen

Innkeypsleiðari
(+298) 309000
ann@mbm.fo
Anna Maria H. Nolsøe

Anna Maria H. Nolsøe

Sølufólk Búrøkt
(+298) 309000
ahn@mbm.fo
Bjarti Dalheim

Bjarti Dalheim

Framleiðsla
(+298) 309000
bjarti@mbm.fo
Bjarni Zachariassen

Bjarni Zachariassen

Pakkari
(+298) 309000
Betelhem T. Ludvig

Betelhem T. Ludvig

Kantinan
(+298) 309000
Bjørn Akselsen

Bjørn Akselsen

Skrivstovufólk
(+298) 309000
bjorn@mbm.fo
Bogi Sørensen

Bogi Sørensen

Pakkari
(+298) 309000
bs@mbm.fo
Durita Nolsøe

Durita Nolsøe

Sølufólk
(+298) 309000
durita@mbm.fo
Erling Weyhe

Erling Weyhe

Pakkari
(+298) 309000
Flemming Raben

Flemming Raben

Goymslufólk
(+298) 309000
fr@mbm.fo
Frank Andersen

Frank Andersen

Hjálparfólk
(+298) 309000
Fróði Joensen

Fróði Joensen

Verkstaðsfólk
(+298) 309000
fj@mbm.fo
Hákun Steingrímsson

Hákun Steingrímsson

Stjóri
(+298) 309000
hakun@mbm.fo
Hans Dalsgaard

Hans Dalsgaard

Goymslufólk
(+298) 309000
hda@mbm.fo
Heini Andresen

Heini Andresen

Sølufólk Búrøkt
(+298) 309000
heini@mbm.fo
Henningur Einar Juul

Henningur Einar Juul

Pakkari
(+298) 309000
hej@mbm.fo
Jákup Svarthamar

Jákup Svarthamar

Bilførari
(+298) 309000
jas@mbm.fo
Jan Erik Jensen

Jan Erik Jensen

Pakkari
(+298) 309000
jej@mbm.fo
Jóhan Hendrik Rubeksen

Jóhan Hendrik Rubeksen

Meiarist
(+298) 309000
Johannes Johannesen

Johannes Johannesen

Verkstaðsfólk
(+298) 309000
jj@mbm.fo
Jona Haraldsen

Jona Haraldsen

Skrivstovufólk
(+298) 309000
jona@mbm.fo
Jonna Thomsen

Jonna Thomsen

Skrivstovufólk
(+298) 309000
jt@mbm.fo
Jonna Linda Christoffersen

Jonna Linda Christoffersen

Skrivstovunæmingur
(+298) 309000
jc@mbm.fo
Jórun Hansen

Jórun Hansen

Góðskuleiðari
(+298) 309000
lab@mbm.fo
Júst Rubeksen

Júst Rubeksen

Starvsfólk
(+298) 309000
Karl á H. Andreasen

Karl á H. Andreasen

Fíggjarstjóri
(+298) 309000
karl@mbm.fo
Katrin Sørensen

Katrin Sørensen

Meiarist
(+298) 309000
ks@mbm.fo
Kim Petersen

Kim Petersen

Búrøkt leiðari
(+298) 309000
kim@mbm.fo
Lis Drayton Hansen

Lis Drayton Hansen

Laborant
(+298) 309000
lab@mbm.fo
Mortan Poulsen

Mortan Poulsen

Fóður leiðari
(+298) 309000
mortan@mbm.fo
Óli Jóhan Láberg

Óli Jóhan Láberg

Tænastudeild
(+298) 309000
ojl@mbm.fo
Peter M. Jakobsen

Peter M. Jakobsen

Tænastudeild leiðari
(+298) 309000
peter@mbm.fo
Poul Klementsen

Poul Klementsen

Bilførari
(+298) 309000
poul@mbm.fo
René Karbech Rasmussen

René Karbech Rasmussen

Goymslufólk
(+298) 309000
rkr@mbm.fo
Rógvi Weyhe

Rógvi Weyhe

Framleiðslu leiðari
(+298) 309000
rw@mbm.fo
Rúni Moody Simonsen

Rúni Moody Simonsen

Tekniskur leiðari
(+298) 309000
rs@mbm.fo
Suni Juul Petersen

Suni Juul Petersen

Meiarist
(+298) 309000
sjp@mbm.fo
Theodor Petersen

Theodor Petersen

Starvsfólk
(+298) 309000
theodor@mbm.fo
Kári Lindberg

Kári Lindberg

Sølufólk
(+298) 455161
kari@vipan.fo
Thomas á Kjalnesi

Thomas á Kjalnesi

Bilførari
(+298) 309000
Tony Weyhe

Tony Weyhe

Meiarist næmingur
(+298) 309000
tw@mbm.fo
Valborg Laksáfoss

Valborg Laksáfoss

Sølu- og marknaðarleiðari
(+298) 309000
vl@mbm.fo
Vivi Jacobsen

Vivi Jacobsen

Skrivstovufólk
(+298) 309000
vivi@mbm.fo
Thorvald Lutzen

Thorvald Lutzen

Nevndarformaður
Poul Muller

Poul Muller

Nevndarnæstformaður
Henning Clausen

Henning Clausen

Ráðgevi
Uni Johannesen

Uni Johannesen

KT
(+298) 309000
uj@mbm.fo
Anita Arge

Anita Arge

Sølufólk Búrøkt
(+298) 309000
aar@mbm.fo
Annika J. Joensen

Annika J. Joensen

Sølufólk Búrøkt
(+298) 309000
Annie Hentze

Annie Hentze

Sølufólk Búrøkt
(+298) 309000
annie@mbm.fo
Vís øll starvsfólk

Samband

MBM
Vegurin langi 31
188 Hoyvík
Tel. +298 309000
fax +298 309001

Vørunr. Vørunavn Eind Mynd Prísur v/MVG